کرتارپور(نارووال) ۔28 نومبر (اے پی پی) وزیر خارجہ شاہ محمود قریشی آکھیے جو پاکستان ??تے بھارت کوں سارے جھیڑے مکاونڑ کیتے بامقصد مذاکرات کرنڑے چاہیدن،ساکوں اپنڑے وسائل بے روزگاری ??تے غربت مکاونڑ تے لاونڑے چاہیدن، خطے اچ امن کیتے کرتار پور راہداری آلی کار بئے اینجھے اقدامات وی کرنڑے ہوسن۔ اے گالھ وزیر خارجہ شاہ محمود قریشی کرتارپور راہداری دا منڈھ بدھنڑ دی تقریب نال خطاب کریندے آکھی۔انہاں آکھیا جو کرتار پور راہداری دا مطالبہ کئی ڈھاکیاں توں آندا پیا ہا بھل بھارت ایکوں روکیے رکھیے، اج ایندا کھلنڑ ہک تاریخی ویلھا ??تے فیصلہ اے جیندے نال ڈوہاں ملکاں وچال جھیڑے مکاونڑ ??تے محبتاں ونڈنڑ دی راہ نکلسی۔انہاںا ٓکھیا جو بابا گر??نانک اتھاں جیہڑا امن و محبت دا ڈیوا بالیا ہا اساں اوندا سوجھلا اگو تے ودھیندے پئے ہیں تاں جو جھیڑے،نفرتاں ??تے پندھ گھٹا سگوں۔انہاں آکھیا جو مذہبی رسومات ہر مذہب دے چاہنڑ آلیاں کیتے ثقافتی ورثہ ہوندے،اسلام رواداری سکھیندے، قائد اعظم وی پیار محبت سکھائی ہئی، ایں سانگے ریاست پاکستان دا کہیں مذہب، ذات، نسل نال کوئی لاہنڑا ڈیونڑا کائنی، اج دا اقدام ہک تاریخی ??تے معنی خیز پیش رفت اے جیندے چنگے اثرات پورے خطے تے پوسن، ڈوہان ملکاں کیتے ہک چنگا موقع اے جو او آپنڑے جھیڑے مل بہہ تے حل کرن۔
پاکستان اتے بھارت کوں سارے جھیڑے مکاونڑ کیتے بامقصد مذاکرات کرنڑے چاہیدن،وزیر خارجہ شاہ محمود قریشی
مضمون کا ماخذ : میگا ملینز لاٹری
متعلقہ مضامین
