اسلام آباد ۔ 18 دسمبر (اے پی پی) اسلامی ترقیاتی بینک تے ایل ایل ایف پاکستان اچ پولیو مکاونڑ کیتے 100ملین ڈالر 15ارب 50کروڑ 94لکھ روپے خرچ کریسن ، ایں سلسلے اچ بدھ کوں اسلامی ترقیاتی بینک تے ایل ایل ایف دے اعلیٰ سطح دے وفد دے دورے اچ معاہدے تے دستخط تھن ۔ وزیر اعظم دے معاون خصوصی ڈاکٹر ظفر مرزا معاہدے دا خیرمقدم کریندے ہوئیں آکھیے جو اسلامی ترقیاتی بینک تے ایل ایل ایف دی پولیو مکاونڑ کیتے کوششاں قابل تعریف ہن ، ایندے نال پولیو مکاونڑ اچ مدد مل ویسی ۔ انہاں ڈسائے جو اسلامی ترقیاتی بینک اتے ایل ایل ایف دے اعلیٰ سطحی وفد دے دورہ پاکستان اچ پولیو مکاونڑ کیتے 100ملین ڈالر ڈیونڑ دے معاہدے ،تے دستخط کیتے گن ،انہاں آکھیے جو انہاں دیاں پولیو مکاونڑ دیاں کوششاں قابل تعریف ہن ، انہاں آکھیے جو اسلامی ترقیاتی بینک ایندے توں پہلے 12موبائیل ہسپتال وی ڈتن ۔ پولیو مہم اچ ڈو ڈینھ اچ 24.6ملین بالاں کوں قطرے پلائے گن ،ایں موقع تے وفد دے ارکان آکھیے جو حکومت پاکستان دیاں پولیو مکاونڑ کیتے کوششاں قابل ستائش ہن ۔
اسلامی ترقیاتی بینک تے ایل ایل ایف پاکستان اچ پولیو مکاونڑ کیتے 100ملین ڈالر خرچ کرنڑ تے معاہدے تے دستخط ، ڈاکٹر ظفر مرزا دا خیر مقدم
مضمون کا ماخذ : لوٹیریا کا اطلاق
متعلقہ مضامین
