اسلام آباد ۔ 20 دسمبر (اے پی پی) وزیر اعظم عمران خان آکھیے جو بلوچستان دے عوام دا جیونڑ سوکھا کرنڑاتے صوبے اچ سماجی و معاشی ترقی حکومت دی اولین ترجیح اے، وفاقی حکومت بلوچستان دی تعمیر و ترقی کیتے صوبائی حکومت دا ہتھ ونڈیسی۔اے گالھ انہاں پارلیمانی پارٹی بلوچستان دے وفدنال الیندے آکھی جیں معاون خصوصی سردار یار محمد رند دی قیادت اچ انہاں نال ملین۔وفد اچ ڈپٹی اسپیکر قومی اسمبلی محمد قاسم خان سوری، ممبر قومی اسمبلی میر محمد خان جمالی، رکن قومی اسمبلی منورہ منیر، اراکین صوبائی اسمبلی میر نعمت اللہ، سردار بابر موسی خیل، زاہدہ بی بی، عمر جمالی، نصیب اللہ خان اتے محمد مبین خان خلجی شامل تھے ۔ معاون خصوصی برائے سیاسی امور نعیم الحق وی ایں موقع تے موجود ہن۔وفد وزیراعظم کوں بلوچستان دے مسائل، انہاں دے حل کیتے تجویزاں،ترقیاتی اموراتے اپنڑے اپنڑے حلقیاں بارے تفصیل ڈسائی۔ وزیر اعظم وفد کوں یقین ڈیوایا جو حکومت بلوچستان دی ترقی،نینگراں کوںر وزگار اتے ہنر ڈیونڑ سودھاترقیاتی کماں اچ ترجیح ڈیسی خاص کر حکومت دے سماجی تحفظ دے جامع پروگرام “احساس” پروگرام اتے صحت انصاف کارڈتوں سہولتاں ڈتیاں ویسن۔
وزیر اعظم عمران خان نال پارلیمانی پارٹی بلوچستان دے وفد دی ملاقات
مضمون کا ماخذ : سامرائی کی خوش قسمتی۔
متعلقہ مضامین
