اسلام آباد ۔ 7 اگست (اے پی پی) وزیرمملکت ہاوسنگ اینڈ ورکس شبیر علی قریشی آکھیے جو نواں پاکستان ہاوسنگ پروگرام عوام دی امیداں مطابق ہے۔ ایں پروگرام نال ہک پاسے روزگار دے مواقع ملسن تاں ڈوجھے پاسے عوام کوں گھر ملسن۔ وزیراعظم عمران خان دی قیادت اچ ملک ترقی اتے خوشحالی دی راہ تے ویندا پئے۔ ایہ گالھ انہاں ”اے پی پی“ نال گالھ مہاڑ کریندے ہوئیں آکھی۔ انہاں آکھیا جو گھر ہرشہری دا بنیادی حق ہے اتے تحریک انصاف دی حکومت وزیراعظم عمران خان دی قیادت اچ عوام کوں بنیادی سہولتاں ڈیونڑ سانگے ڈینھ دن رات کو ششاں کریندی پی ہے۔ ہک سوال دے جواب اچ وزیرمملکت شبیر علی قریشی آکھیا جو بھارت کو ںوزیراعظم عمران خان دے پیغام کوں سمجھنڑ چاہیدے اتے مسئلیاں دا حل جنگی جنون دی بجائے مذاکرات نال کڈھنڑ چاہیدے۔
مضمون کا ماخذ : را کی کتاب
