اسلام آباد ۔ 27 اگست (اے پی پی) صدر مملکت دے پارلیمنٹ دے ڈوہیں ایواناں دے مشترکہ اجلاس دے موقع تے سارے سکیورٹی انتظامات کوں حتمی شکل ڈے ڈتی گئی اے ، ایندے تحت کہیں وزیر یا رکن دے ذاتی مہمان کوں پارلیمنٹ اچ داخلے دی اجازت کائناں ہوسی، ساریاں گاڈیاں دی سخت سیکورٹی چیکنگ کیتی ویسی تے سی این جی سلنڈر آلیاں گاڈیاں کوں وی پارلیمنٹ دی پارکنگ اچ داخلے دی اجازت کائناں ہوسی ۔پارلیمنٹ ہاﺅس توں جاری مراسلے اچ آکھیا گے جو سارے ارکان پارلیمنٹ تے وفاقی وزرا کوں آکھیا گے جمعے 30اگست کوں منعقد تھیونڑ آلے پارلیمنٹ دے مشترکہ اجلاس دے موقع تے او اپنڑاں کوئی مہمان نال کائناں گھن آسگسن اتے سارے ارکان کوں آکھیا گے جو انہاں کوں ذاتی گارڈز کوں وی پارلیمنٹ دی حدود اچ گھن آونڑ دی ممانعت ہوسی ۔کہیں وی قسم دے رش دی صورت توں بچنڑ کیتے پارلیمنٹ لاجز توں پارلیمنٹ ہاﺅس تئیں خصوصی شٹل سروس چلائی ویسی ۔ ارکان پارلیمنٹ دے ڈرائیوراں کوں ہدایت کیتی گئی اے جو او اپنڑیاں گاڈیاں مقررہ پارکنگ اچ کھڑیاں کرن تے او اپنڑیاں گاڈیاں دے نال رہن ۔
صدر مملکت دے پارلیمنٹ دے ڈوہیں ایواناں دے مشترکہ اجلاس دے موقع تے سکیورٹی انتظامات کوں حتمی شکل ڈے ڈتی گئی اے
مضمون کا ماخذ : رومن دولت
متعلقہ مضامین
