اسلام آباد 16مئی (اے پی پی) وزيراعظم محمد شهباز شريف د مئي په 9مه نيټه په حساس تنصيباتو د بريد غندنه كولو سره وئېلي دي چې شرخوښي به په هر صورت كښې قانون سره مخ كولې شي او د هغوي په ضد به سخته قانوني كاروائي كولې شي دغسې چې په سباؤن كښې څوك هم د دې ډول پېښو همت ونه كړې شي د چا سره هم د ظلم زياتي سوال نه پېدا كېږي خو چې چا جرم كړې هغه به پرېښودلې نه شي۔ د دې خيالاتو څرګندونه ده د نهې په ورځ د قامي سلامتيا كمېټۍ د غونډې مشرۍ كولو په مهال كړې۔ ده ووئيل په 9 مئي رامخې ته شوې پېښو څخه پاكستان شرمندګي پورته كړې٬ 9 مئي يوه ناوړه ورځ وه او دا به د يوې تورې ورځ په توګه ياد ساتلې شي۔ ده ووئيل د نن غونډه په دې تناظر كښې كېږي او نن مونږ په دې سوچ مجبور يو چې دا كومه نظريه وه٬ دا څوك و او كومه ډله وه چا چې د هېواد سره داسې ظلم كړې چا چې جناح هاؤس كومه چې يوه ودانۍ نه بلكې په هغې كښې په وينو عبارت ليكلې شوې و٬هلته چې كوم سامان موجود ٶ هغه ټول تباه كړي۔ وزيراعظم ووئيل زه چې هلته لاړم نو زما يقين نه راتللو سترګو داسې صورتحال چرته نه ٶ ليدلې دا ګڼم چې په دې منصوبه بندۍ كښې څوك هم شامل وو او چا چې وګړي په دې مجبور كړي وو او چا چې دا كاروائۍ كړې هغه د ترهه ګرۍ په زمره كښې راځي۔ ده ووئيل زمونږ ازلي دښمن په 75 كلونو كښې په داسې ناوړه عزائمو كښې كامياب شوي نه ٶ كوم كار چې دغې ډلې كړی د دې چې څومره هم غندنه وكړې شي كومه ده ځكه چې كه هغه د 65 جنګ وي يا ضرب عضب يا د امن او امان په ځاې ساتلو منصوبه وي٬ كه هغه د آرمي پبلك سكول پیښه وي چرته چې 100 څخه زيات استاذان او زده كونكي شهيدان كړې شوي٬د دغه ټولو ځوانانو بې حرمتي شوې۔ ده ووئيل جي اېچ كيو٬ ميانوالي ايئربيس٬ فيصل آباد كښې د آئي اېس آئي دفتر او اېف سي سكول تباه كړې شوې۔ ده پوښتنه وكړه چې په 75 كلونو كښې په پاكستان كښې څومره هم خراب حالات راغلي كومې هم سترګو دا ډول منظر نه و ليدلي۔ ده ووئيل مونږ له به د دې ټول صورتحال جاج اخستل وي٬ د پاكستان 22 كروړه اولس او حكومت يو موټې دے او د خپل پوځ سره پوخ ولاړ دے او د دې ناوړه حركت غندنه كوي۔ وزيراعظم ووئيل د دې ټولو تورنو په 72 ساعتونو كښې نيولو سره د هغوي په ضد د مقدمو درج كولو سپارښتنه شوې وه٬ ما په لاهور كښې هم دا وئيلي وو چې دغه كسان به په هر صورت كښې قانون سره مخ كولې شي٬ كه وزيراعظم هم د چا د پرېښودلو اووائي نو يوازې به د قانون پيروي كولې شي دغسې په دې مهال به كوم بې ګناه كسان په هېڅ صورت كښې تنګولې نشي۔ ده ووئيل د قامي سلامتيا كمېټۍ دا غونډه د پاك پوځ سره د يو والي څرګندونه كوي او د هغه ټولو پیښو غندنه كوي د قانون او آئين له مخې به قانون خپله لاره جوړوي چا سره هم د ظلم زياتي سوال نه پیدا كېږي خو چې چا دا جرم كړے هغه به بچ نشي پاتې كېدې
د وزيراعظم محمد شهباز شريف په مشرۍ كښې د قامي سلامتيا غونډه٬ په 9 مئي په حساس تنصيباتو د بريد غندنه٬ د ككړ كسانو په ضد به سخته كاروائي كولې شي
مضمون کا ماخذ : لوٹیریا کے اعدادوشمار
متعلقہ مضامین
