اسلام آباد۔13اکتوبر(اے پی پی) وفاقی وزیر اطلاعات، نشریات، قومی ورثہ و ثقافت عطاءاللہ تارڑ سی پیک کوں پورے خطے دی خوشحالی دا منصوبہ قرار ݙیندے آکھیے سی پیک پاکستان تے چین دی قربت اتے مثالی دوستی دا منہ ٻولیندا ثبوت اے ، چین دا پاکستان دی م??اشی بہتری اچ اہم کردار اے ، چنڳے برے ویلھے اچ چین ہمیشہ پاکستان دا ساتھ ݙتے، چینی وزیراعظم دا دورہ پاکستان انتہائی اہمیت رکھیندے ، پاکستان تے چین سی پیک دے ݙوجھے مرحلے دا آغاز کرݨ ویندے پئن ، سی پیک ٹو منصوبہ پاکستان اتے خطے سانڳے گیم چینجر ثابت تھیسی ، اتھاں چائنہ چیمبر آف کامرس دے زیر اہتمام منعقدہ تقریب توں خطاب کریندے وفاقی وزیر اطلاعات آکھ??ے پاکستان تے چین دی دوستی ݙکھایں تے محیط اے ج??ڑھ?? نسل در نسل اڳوں ودھدی پئی اے ݙوہیں ملک??ں دے عوام دا ھک ݙوجھے نال جذباتی لگائواے۔ ݙوہیں ملک پکی یاری دے ڳانڈھے اچ ڳھنڈ??ے پئن ، انھاں آکھیے جݙاں اساکوں بدترین توانائی دا بحران ہئی تاں چین پاکستان دے توانائی دے شعبہ اچ ری سٹرکچرنگ اچ ساݙی م??د کیتی ، 2013ءاچ 8 توں 19 گھنٹے دی لوڈ شیڈنگ تھیندی پئی ہئی جیں پاروں اساکوں سالانہ 500 ارب روپے دا معاشی ضیان تھیندا پیا ہئی اے بدترین صورتحال ہئی، انڈسٹریز بند تھیندیاں پیاں ہن ، گھریلو صارفین لوڈ شیڈنگ توں ٻہوں متاثر تھیندے پئے ہن بجلی دے توانائی بحران نال نبݨݨ سانڳے اساکوں وختی بجلی دے پیداواری منصوبے لاوݨ دی لوڑھ ہئی ، چین دے ون بیلٹ ون روڈ انیشی ایٹو دے تحت بجلی دے کئی پیداواری منصوبے لاتے ڳئے ، ساہیوال کول پاور، تھرکول، کراچی پورٹ انرجی پراجیکٹ شروع کیتا ڳیا ۔ انھاں آکھیے سی پیک تے نان سی پیک توانائی دے منصوبیں توں توانائی دے بحران تے قابو پاوݨ اچ مدد ملی جیں پاروں اساں 2018ء اچ زیرو لوڈ شیڈنگ چھوڑ تے ڳئے۔ 2013ء توں 2018ءتئیں کامیابی??ں دا سفر جاری ہئی۔ پاکستان دی م??اشی بہتری اچ چین دا اہم کردار رہیے 2018ءاچ شرح نمو 5.8 فیصد ہئی، مہانگ 4 دی شرح فیصد تے ہئی ، اڄ ھک واری ول مہانگ 6.9 فیصد تے آڳئی اے ، پالیسی ریٹ گھٹ ڳعے ، انھاں آکھیے چینی قیادت، چینی سفیر تے چینی کمپنی??ں دے شکر گزار ہیسے جنہان پاکستان نال تکڑے سٹریٹجک پارٹنر شپ دے ذریعے توانائی دے بحران تے قابو پاوݨ تے پاکستان دی م??اشی ترقی اچ اہم کردار نبھائے ، پاکستان چینی کمپنیاں کوں بہترین انڈسٹریل زونز ݙے سڳدے ِ او اتھاں گھٹ پیداواری لاگت توں فیدہ چاسڳدن تے آپݨی م??نوعات پاکستان توں ٻئے ملکاں کوں درآمد کر سڳدن ۔ وفاقی وزیر آکھیے 11 سال بعد چین دا کوئی وزیراعظم پاکستان دا دورہ کریندا پئے جیڑھا نہ صرف پاکستان بلکہ پاکستان دے عوام سانڳے خوشی دی ڳالھ اے، چینی وزیراعظم لی چیانگ دا دورہ پاکستان ٻہوں اہمیت رکھیندے ݙوہیں ملک سی پیک دے اڳلے مرحلے کوں شروع کرݨ ویندے پئن ، سی پیک ٹو منصوبہ پاکستان تے خطے سانڳے گیم چینجر ہوسی ، پاک چین دوستی ساݙے دل دے ٻہوں نیڑے ہے ݙوہیں ملک??ں دے عوام تے خطے دی خوشحالی ساݙا سانجھا مقصد اے ، سی پیک ݙوہیں ملک??ں دی قربت تےمثالی دوستی دا منہ ٻولیندا ثبوت اے سی پیک پاکستان تے چین دی ہی نی بلکہ پورے خطے دی خوشحالی دا منصوبہ اے۔
