اسلام آباد ۔ 10 دسمبر (اے پی پی) سپیکر قومی اسمبلی اسد قیصر آکھیے جو اللہ سئیں انسانی کوں اشرف المخلوقات بنڑائے تے اینکوں زندگی گزارنڑ کیتے ہک ضابطہ حیات ڈتے ، اللہ تعالی دے بنڑائے ضابطہ حیات اچ انسانی حقوق سرفہرست ہن ، سارے مذہب تے مباحثہ دا محور حرمت انسانی اے، نبیﷺدا خطبہ الوداع حقوق العباد اتے ضابطہ حیات دا بنیادی جزو اے جیں آقا اتے غلام دے فرق کوں مٹا ڈتا ۔ منگل کوں انسانی حقوق دے عالمی ڈینھ دے موقع تے اپنڑے پیغام اچ انہاں آکھیے جو پاکستان انسانی حقوق دے عالمی چارٹر تے دستخط کیتن ۔ پاکستان ایں ضمن اچ بین الاقوامی سطح تے کیتے گے وعدیں تے عمل کریندا پئے ۔انہاں آکھیے جو اللہ سئیں قرآن شریف اچ انسانی حقوق دا ہک ضابطہ حیات متعین کیتے جیں اچ انسانی حقوق کوں پورا کرنڑ دی سخت وحید فرمائی اے ۔ انسانی حقوق دے عالمی ادارے دی مقبوضہ کشمیر اچ جاری انسانی حقوق دیاں خلاف ورزیاں تے چپ ناقابل فہم اے ۔کشمیر کیتے اقوام عالم دی چپ سمجھ توں باہر اے ۔ انہاں آکھیے جو کشمیر اچ ہزاراں بے گناہ نشوم بالاں دا قتل تے تریمتاں دی عصمت دری دے واقعات بہوں افسوسناک ہن ،میں مقبوجہ کشمیر دے عوام دی ہمت تے جرات کوں سلام پیش کرینداں ۔5 اگست دے بھارتی اقدام تے پارلیمانی سفارتکاری دے ذریعے پوری دنیا دے پارلیماناں کوں خط دے ذریعے کشمیر دی ابتر صورتحال دا وختی ڈسایا ۔ مقبوضہ کشمیر اتے فلسطین اچ انسانی حقوق دے عالمی اداریں کوں انسانی حقوق دیاں خلاف ورزیاں مکاونڑ کیتے اقدامات کرنڑیں چاہیدن۔
انسانی حقوق دے عالمی اداریں دی مقبوضہ کشمیر اچ جاری انسانی حقوق دیاں خلاف ورزیاں تے چپ ناقابل فہم اے ،سپیکر قومی اسمبلی اسد قیصر دا انسانی حقوق دے عالمی ڈینھ تے پیغام
مضمون کا ماخذ : میگا ملینز
متعلقہ مضامین
