اسلام آباد ۔ 21 دسمبر (اے پی پی) وزیر اعظم عمران خان بھارت اچ شہری ترمیمی بل دے حوالے نال آکھیے جو بھارت نریندر مودی دی گزریل پنج سالہ حکومت اچ ہندو بالادستی دے فاشسٹ نظریے دے تحت ہندو ریاست دے پاسے ودھیے ،بھارت اچ ودھدے ہوئے مظاہریں نال پاکستان کیتے خطرہ ودھدا پئے ۔ ہفتے کوں وزیراعظم عمران خان اپنڑے ہک ٹویٹ اچ آکھیے بھارت اچ احتجاج ہک وڈی تحریک بنڑ گے ، شہریت دے قانون کوں گھن تے بھارت اچ لوک احتجاج کریندے پن ۔ مقبوضہ کشمیر اچ قابض بھارتی فوج دا محاصرہ جاری اے ۔مقبوضہ کشمیر دے حوالے نال وزیراعظم آکھیے جو مقبوضہ کشمیر اچ محاصرہ مکنڑ تے خونریزی دا ڈر اے ، جڈاں جو بھارت اچ ودھدے ہوئے مظاہریں نال پاکستان کیتے خطرہ ودھدا پئے ۔ انہاں آکھیے جو بھارتی آرمی چیف دے بیان اساڈے خدشات کوں مزید تقویت ڈتی اے ۔عالمی برادری کوں بھارتی رویے دا مسلسل ڈسیندے پیوں ۔بھارت اندرلے خلفشار توں عالمی توجہ ہٹاونڑ کیتے جنگی جنون ودھیندا پئے ۔وزیر اعظم آکھیے جو مہم جوئی دی صورت اچ من بھن جواب ڈیونڑ دے علاوہ کوئی آپشن کائناں ہوسی ۔
بھارت نریندر مودی دی گزریل پنج سالہ حکومت اچ ہندو بالا دستی دے فاشسٹ نظریے دے تحت ہندو ریاست دے پاسے ودھیے ، وزیراعظم عمران خان دا ٹویٹ
مضمون کا ماخذ : فا فا فا ۔
متعلقہ مضامین
