لاہور ۔ 28 اکتوبر (اے پی پی) وزیراعظم عمران خان جرائم پیشہ افراد دے خلاف بھرپور ایکشن گھنڑ دی ہدایت کریندے ہوئیں آکھیے جو اگر افسراں تے ایں بارے کوئی پریشر آیا تاں ا وہ انہاں دے نال کھڑسن۔ سنوار کوں پنجاب اچ امن و امان دی صورتحال توں متعلق اعلیٰ سطح دے اجلاس دی صدارت وزیراعظم کیتی۔ اجلاس اچ وزیر داخلہ بریگیڈیئر (ر) اعجاز احمد شاہ، وفاقی وزیر تعلیم و پیشہ وارانہ تربیت شفقت محمود، معاون خصوصی ڈاکٹر فردوس عاشق اعوان،و زیراعلیٰ پنجاب سردار عثمان بزدار، صوبائی وزیر قنون بشارت راجہ، صوبائی وزیر بہبود آبادی محمد ہاشم ڈوگر، صوبائی وزیر کھیل محمد تیمور خان، صوبائی وزیر محنت انصر مجید خان، چیف سیکرٹری پنجاب یوسف نسیم کھوکھر اتے بئے اعلیٰ افسرموجود ہن۔ اجلاس اچ آئی جی پنجاب صوبہ اچ جرم روکنڑ،وڈے جرائم اچ ملوث عناصر دے خلاف کاروائی، تھانڑاں کلچربدلنڑ، پولیس اہلکاراں دی پیشہ وارانہ تربیت، اہلکاراں دی حوصلہ افزائی، قوانین اچ ترامیم اتے جرائم پیشہ عناصر دے خلاف عوام اچ آگاہی مہم بارے تجویز اں اتے اقدامات بارے بریفنگ ڈتی۔ وزیراعظم عمران خان کو ں قصور اتے چونیاں اچ بالاں نال زیادتی دے واقعات اتے چائلڈ پورنوگرافی اچ ملوث عناصر دے خلاف 6 مہیناں اندر ہک مربوط حکمت عملی تحت واضح ایکشن پلان تے عملدرآمد بارے ڈسایا۔ وزیراعظم عمران خان قصور اتے چونیاں اچ بالاں نال زیادتی دے واقعات تے انہاں کوں ڈکھ تھئے ، ایجھے جرم دی وجہ نال اللہ دا عذاب آندے۔ وزیراعظم ،وزیراعلیٰ پنجاب اتے متعلقہ حکام کوں ہدایت کیتی جوا وہ قصور، چونیاں اتے بئے متاثرہ علاقیا ں دا دورہ کرتے اتھاں علما، صاحب حیثیت لوکیں، سکولاں دے استاداں اتے ماں پیو نال ملاقات کرتے انہاں کوں بالاں کوں ایجھے جرم توں شکار تھیونڑ توں بچاونڑ دی مناسب تربیت اتے ملوث عناصر دی نشاندہی بارے ڈسایا ونجے۔
وزیراعظم دی پنجاب اچ امن و امان دی صورتحال بارے اعلیٰ سطح دے اجلاس اچ گالھ مہاڑ
مضمون کا ماخذ : como ganhar na raspadinha
متعلقہ مضامین
