اسلام آباد ۔ 13 دسمبر (اے پی پی) وزیرِ اعظم عمران خان آکھیا جو معاشرے دے مستبقل دے خلاف جرائم خصوصی طور بالاں دا جنسی استحصال پورے معاشرے سانگے شرم اتے افسوس دی گالھ اے،بالاں کوں محفوظ ماحول ڈیونڑ حکومت اتے معاشرے دے ہر بندے دی ذمہ واری اے اتے حکومت ایں بارے ہر ممکن قدم چیسی،وزیراعظم وزارت انسانی حقوق کوں بالاں دے خلاف جرائم کوں روکنڑ سانگے وزارت داخلہ اتے صوبائی حکومتاں دی مشورے نال قومی سطح تے نیشنل ایکشن پلان کوں آندے ڈو ہفتے اچ چھیکڑی شکل ڈیونڑ دی وی ہدایت کیتی۔اے گالھیں انہاں جمعے کوں بالاں دے جنسی استحصال کوں روکنڑ بارے اعلیٰ سطحی اجلاس توں خطاب کریندیں ہوئیں آکھی۔اجلاس اچ وفاقی وزیرِ تعلیم شفقت محمود، وفاقی وزیر انسانی حقوق ڈاکٹر شیریں مزاری، معاون خصوصی احتساب شہزاد اکبر، سیکرٹری داخلہ یوسف نسیم کھوکھر، صوبائی آئی جیز اتے وزارتِ داخلہ تے صوبائی ہوم ڈیپارٹمنٹ دے سینئر افسر شریک ہن۔اجلاس اچ وزیراعظم کوں ملک اچ بالاں دے خلاف جرائم خصوصی جنسی استحصال،بالاں بارے فحش مواد ،اجوکے ڈینھاں اچ آونڑ آلے کجھ افسوس ناک واقعے اتے ایجھے جرائم کوں روکنڑ بارے انتظامی اقدامات بارے تفصیلی بریفنگ ڈتی گئی ۔یڈیشنل آئی جی سی ٹی ڈی پنجاب ’ اجلاس کوں زینب کیس، چونیاں کیس اتے راولپنڈی کیس بارے سامنڑے آونڑ آلے حقائق،پنجاب اچ بالاں بارے جرائم دی شرح اتے قصور اتے چونیاں جیہے واقعیاں کوں کیس سٹڈی دے طور سامنڑے رکھیندیں ہوئیں انہاں کوں روکنڑ بارے مستقبل دے لائحہ عمل بارے تفصیلی ڈسیا گیا۔
معاشرے دے مستبقل دے خلاف جرائم خصوصی طور بالاں دا جنسی استحصال پورے معاشرے سانگے شرم اتے افسوس دی گالھ اے، ،وزیرِ اعظم عمران خان دا بالاں دے جنسی استحصال کوں روکنڑ بارے اعلیٰ سطحی اجلاس توں خطاب
مضمون کا ماخذ : sorteos dupla sena
متعلقہ مضامین
