اسلام آباد ۔ 22 جنوری (اے پی پی) وزیر خارجہ مخدوم شاہ محمود قریشی آکھیا جو برطانوی حکومت 80 لاکھ نہتے کشمیریاں کوں بھارتی استبداد توں جان چھڑاونڑ اتے کشمیر دے مسئلے دے پر امن حل سانگے اپنڑاں کردار ادا کرے۔اے گالھیں انہاں بدھ کوں برطانوی وزیر خارجہ ڈومینک راب نال ٹیلیفونک گالھ مہاڑ کریندیں ہوئیں آکھی۔ایں موقع تے اہم علاقائی تے ڈو پاسہ معاملیاں تے گالھ مہاڑ تھئی۔ وزیر خارجہ مخدوم شاہ محمود قریشی اپنرے برطانوی ہم منصب کوں خطے اچ کشیدگی،امن و امان دی صورتحال اتے ایں ابرے پاکستان ولوں ممکنہ خدشات بارے ڈسیا۔انہاںآکھیا جو سارے فریقین کوں صبر تے تحمل ڈکھیندیں ہوئی،صورتحال کوں معمول تے گھن آونڑ دی سنجیدہ کوششاں کرنڑ دی لوڑھ اے۔وزیر خارجہ “افغان امن عمل ” بارے پاکستان ولوں کیتی ونجنڑ آلی کوششاں بارے وی برطانوی وزیرخارجہ کوں ڈسیا۔
مضمون کا ماخذ : کمپیوٹر لاٹری کے نتائج
