اسلام آباد01 مارچ (اے پی پی)وزيراعظم شهباز شريف وګړو لپاره د شناختي كارډ او پاسپورټ په ترلاسه كولو كښې د آسانيو رامخې ته كولو هدايت كولو سره وئيلي دي چې كفايت شعارۍ او بچت لپاره دې نادرا او ډائرېكټرېټ جنرل آف اميګرېشن اېنډ پاسپورټ دفتر وسائل يو بل سره ګډ كړي دغسې چې په قومي خزانه بوج كم كړے شي۔ د وزيراعظم آفس مېډيا ونګ لخوا د شورو په ورځ د جاري شوي بيان له مخې د وزيراعظم شهباز شريف په مشرۍ كښې وګړو لپاره د شناختي كارډ او پاسپورټ په ترلاسه كولو كښې د آسانيو رامخې ته كولو په اړه غونډه وشوه۔ په غونډه كښې د خزانې وفاقي وزير سېنېټر اسحاق ډار٬د كورنيو چارو وفاقي وزير رانا ثناﺀ الله خان٬د تعليم وفاقي وزير رانا تنوير حسېن٬د نادرا چيئرمېن٬ د امېګرېشن اېنډ پاسپورټ ډي جي او اړوندو سركاري چارواكو ګډون وكړو۔ وزيراعظم هدايت وكړو چې وګړو لپاره دې د شناختي كارډ او پاسپورټ په ترلاسه كولو كښې آسانۍ رامخې ته كړې شي۔ د نادرا په مركز كښې دې د پاسپورټ دفتر كاؤنټر جوړ كړے شي او كفايت شعاري او بچت په نظر كښې نيولو سره دې نادرا او ډائرېكټرېټ جنرل آف اميګرېشن اېنډ پاسپورټس دفتر ځاې او وسائل شيئر كړي دغسې چې په قامي خزانه لږ بوچ پريوځي۔ وزيراعظم وګړو ته د شناختي كارډ سروس د دوئي په درشل وركولو له د موبائل نادرا وېنز شمېرې زياتولو احكامات هم وركړل۔ په غونډه كښې وزيراعظم ته وركړی شوي بريفنګ كښې ووئېلې شؤ چې وګړو ته د شناختي كارډ نوي كولو آسانۍ د دوئي په كور وركولو له نادرا نوې موبائل فون اپليكېشن پېل كوي۔ په غونډه كښې ګډون كوؤنكو سره خپلو خبرو كښې وزيراعظم ووئيل چې شناختي كارډ او پاسپورټ ترلاسه كول د هر وګړي بنيادي حق دې۔ ده تاكيد وكړو چې عام وګړي ته د شناختي كارډ او پاسپورټ ترلاسه كولو آساني د هغه د كور په درشل وركولو له دې اقداماتو كښې له ښه والې رامخې ته كړې شي او دا خبره دې باوري كړې شي چې په دې لړ كښې به هر وګړي ته مساوي آساني ترلاسه وي۔ وزيراعظم احكامات وركړل چې د پاسپورټ دفتر جوړولو چې څومره هم منصوبې منظورې شوي دي هغه دې د نادرا وړاندې څخه په موجود دفترونو كښې عملي كړې شي۔ غونډې ته ووئيلې شؤ چې د صارفين آسانيو لپاره نادرا يو نوې موبائل فون ايپليكېشن پېل كوي چې د لارې به يې وګړي په كور پاتې كېدو سره د خپل شناختي كارډ تجديد كولے شي۔
وګړو لپاره دې د شناختي كارډ او پاسپورټ په ترلاسه كولو كښې آسانۍ پېدا كړې شي۔ د وزيراعظم شهباز شريف هدايت
مضمون کا ماخذ : لاٹوفاسیل
متعلقہ مضامین
