اسلام آباد ۔ 18 دسمبر (اے پی پی) پاک بحریہ دے سربراہ ایڈمرل ظفر محمود عباسی نال روسی بحریہ دے کمانڈر ان چیف ایڈمرل نکولئی اناطولیﺅیچ یومینوف ملاقات کیتی جیں اچ سانجھے دلچسپی اے امور بشمول ڈوہیں ملکاں وانگوں بحری فوج وچال تعاون کوں مزید ودھاونڑ تے گال مہاڑ کیتی گی ۔ ترجمان پاک بحریہ دے مطابق روسی بحریہ دے کمانڈر ان چیف نیول ہیڈ کوارٹرز اسلام آباد دا دورہ کیتے جتھاں پاک بحریہ دے سربراہ ایڈمرل ظفر محمود عباسی معزز مہمان دا استقبال کیتا۔ انہاں کوں روایتی انداز اچ گارڈ آ ف آنر پیش کیتا گیا ، انہاں یادگار شہداءتے پھلاں دی چادر چڑھائی تے انہاں دا پرنسپل اسٹاف آفیسرز نال وی تعارف کرایا گیا۔ سربراہ پاک بحریہ خطے اچ سمندری سلامتی اتے امن کوں یقینی بنڑاونڑ تے دہشت گردی دے خلاف جنگ اچ پاکستان دے کردار تے روشنی پاتی ۔ بعدااچ انہاں کوں بریفنگ ڈتی گی جیں اچ انہاں کوں آرٹیکل 370 اتے 35۔ اے دی منسوخی دے بعد مقبوضہ کشمیر اچ جاری بھارتی جارحیت تے پاکستانی موقف بارے ڈسایا گیا ۔ معزز مہمان خطے اچ بحری سیکیورٹی اتے استحکام دے حوالے نال پاک بحریہ دیاں کاوشاں دی تعریف کیتی ۔ روسی بحریہ دے کمانڈر ان چیف دے ایں دورے نال ڈوہیں ملکاں خاص طور تے بحری فوج وچال ڈو پاسے تعاون کوں ودھارا تھیسی ۔
پاک بحریہ دے سربراہ ایڈمرل ظفر محمود عباسی نال روسی بحریہ دے کمانڈر ان چیف دی ملاقات
مضمون کا ماخذ : نتیجہ میگا سینا
متعلقہ مضامین
