وزیر خارجہ شاہ محمود قریشی دا او آئی سی وزرائے خارجہ کانفرنس اچ شرکت نہ کرنڑ دا اعلان مسلم امہ دے اہم فورم تے تلویں سطح دے حکام پاکستان دی نمائندگی کریسن ،شاہ محمود قریشی دا پارلیمان دے سانجھے اجلاس توں خطاب

اسلام آباد ۔ یکم مارچ(اے پی پی) وزیر خارجہ شاہ محمود قریشی او آئی سی وزرائے خارجہ کانفرنس اچ شرکت نہ کرنڑ دا اعلان کریندے ہوئیں آکھیے جو مسلم امہ دے ایں اہم فورم تے ہنڑ تلویں سطح دے حکام پاکستان دی نمائندگی کریسن تاں جو اگر اجلاس دے دوران بھارت کوں مبصر دا درجہ ڈیونڑ دی کوشش تھیندی اے تاں ایندی مخالفت کیتی ونجے۔، جنوبی ایشیاءاچ قیام امن کیتے میں صدر ٹرمپ دے ایں جذبے دی قدر کریندوں،امن تے خطے کیتے جیرھا وی گال کریسی او قابل ستائش اے ۔بھارت دی حکمران جماعت ہر صورت الیکشن جتنڑ چاہندی اے ۔بھارت دی 23ویں اپوزیشن جماعتاں دا سانجھ بیان اچ آئے جو مودی اپنڑی سیاست کیتے ہندوستان دی فوج تے فوجی ہلاکتاں کوں استعمال کرنڑ چاہندے ۔جمعے کوں پارلیمان دے سانجھے اجلاس نال خطاب کریندے ہوئیں انہاں آکھیا جو کل قائد حزب اختلاف میاں شہباز شریف تے خواجہ آصف وی او آئی سی وزرائے خارجہ دے اجلاس اچ بھارت کوں سڈنڑ تے تشویش دا اظہار کیتا ہئی تے انہاں دا مطالبہ ہئی جو پاکستان کوں اپنڑی پوزیشن گھننڑیں چاہیدی اے ۔انہاں آکھیا جڈاں ساجھی قرارداد تے اساں مشورہ کریندے ہاسے تاں ایں دورن اساں ایاز صادق، رضا ربانی اتے خورشید شاہ سمیت بئے سیاسی رہنماواں نال مشاورت کیتی ،ساریں دا نکتہ نظر واضح تھیوے ۔انہاں آکھیا او آئی سی دا وزراتی اجلاس ابوظہبی اچ تھیدان پئے بھارت او آئی سی دا ممبر اے نہ ہی مبصر، بھارت کو ں اساڈی مشاورت دے بغیر سڈیا گے ، او آئی سی دے سیکرٹری جنرل، ترکی دے وزیر خارجہ اتے ایران وی بھارت کوں کانفرنس اچ سڈنڑ توں لاعلم ہن ، بھارت کوں سڈنڑ دے حوالے نال جیرھی مشاورت تھیونڑیں چاہیدی ہئی او کائنی تھی ۔انہاں آکھیا متحدہ عرب امارات پاکستان دا دوست ملک اے ۔لکھاں پاکستانی متحدہ عرب امارات اچ کم کریندے پن ، اوکھے وقت اچ یو اے ای پاکستان دی مدد کیتی اے جیں تے اساں انہاں دے شکرگزار ہوں، یو اے ای بطور میزبان بھارت کوں دعوت ڈتی میڈی ایں معاملے تے شیخ عبداللہ نال گال تھئی اے میں تاریخی حوالیں نال پاکستان دا نکتہ نظر پیش کیتے تے میں درخواست کیتی اے جو بھارت کوں سڈنڑ دے فیصلے تے نظرثانی کیتی ونجے، شیخ عبداللہ دا موقف ہئی جو جڈاں اساں بھارت کوں دعوت ڈیندے پیوں تاں ایں وقت پلوامہ دا واقعہ کائناں تھیا ہئی ، اگر اے واقعہ تھے تاں اساڈا موقف بیا ہوندا ، اساں ہنڑ دعوت ڈے ڈتی اے ہنڑ اوکھا ہوسی جو دعوت واپس گھدی ونجے ۔انہاں آکھیا پاکستان ایں کیتے تیار اے او باھرت کوں منا گھنن جیرھا جو انہاں دا پرانڑاں یار اے ،بھارت دے گرفتار پائلٹ کوں اج ڈوپہر واہگہ سرحد دے ذریعے رہا کر ڈتا ویسی ۔