اسلام آباد ۔ 20 مارچ (اے پی پی) وزیراعظم عمران خان دی دعوت تے ملائشیاءدے وزیراعظم ڈاکٹرمہاتیرمحمد اج خمیس توں پاکستان دا ترائے ڈینھ دا دورہ کریسن ۔ ملائشیاءدے وزیراعظم دے رلے اعلیٰ سطح دا ہک وفد وی پاکستان دادورہ کریسی جیں اچ بہوں ساری اہم کاروباری شخصیات وی شامل ہن ۔ملائشیا دے وزیراعظم 23مارچ کوں یوم پاکستان پریڈ دے مہمان اعزاز ہوسن ۔ملائشیا دے وزیراعظم ڈاکٹرمہاتیرمحمد دی مصروفیات اچ صدرپاکستان نال ملاقات، وزیراعظم عمران خان نال ون آن ون ملاقات اتے بعدااچ وفد دی سطح تے گال مہاڑ شامل اے۔ڈوہیں وزرائے اعظم پاکستان اچ آٹو موبائل اتے ٹیلی مواصلات دے شعبیں اچ سرمایہ کاری اچ دلچسپی رکھنڑ آلیاں کمپنیاں دے چیف ایگزیکٹوآفسراں دے گول میز مذاکرے نال وی خطاب کریسن ۔دفترخارجہ دے ترجمان آکھیے جو وزیراعظم مہاتیرمحمد دے دورہ پاکستان نال ڈوہیں ملکاں وچال برادرانہ اتے دوستانہ تعلقات مزیدمضبوط تھیسن ۔انہاں آکھیے جو ایں دورے اچ ڈوہیں ملکاں تے عوام دے فائدے کیتے معیشیت، تجارت، سرمایہ کاری، اتے دفاعی تعلقات اچ ودھارے تے توجہ مرکوز رہسی ۔
ملائشیا دے وزیراعظم ڈاکٹرمہاتیرمحمد اعلیٰ سطح دے وفد دے رلے اج توں پاکستان دا ترائے ڈینھ دا دورہ کریسن،، 23 مارچ کوں یوم پاکستان پریڈ دے مہمان اعزاز ہوسن ، ترجمان دفترخارجہ
مضمون کا ماخذ : ہاٹ اسپن
متعلقہ مضامین
