اسلام آباد ۔ 12 دسمبر (اے پی پی) کابینہ دی اقتصادی رابطہ کمیٹی صحرائی ٹڈی دل دے حملے دی ہنگامی صورتحال نال نبڑنڑ سانگے459.5ملین روپے اتے کرتار پور راہداری دے تحفظ سانگے پاکستان رینجرز دے فرسٹ سپیشل ونگ دے قیام سانگے 300 ملین روپے دی تکنیکی ضمنی گرانٹ دی منظوری ڈے ڈتی اے۔وزیراعظم دے مشیر برائے خزانہ ڈاکٹر عبدالحفیظ شیخ دی صدارت اچ کابینہ دی اقتصادی رابطہ کمیٹی دا اجلاس خمیس کوں تھیا۔ ای سی سی ’ وزارت نیشنل فوڈ سیکورٹی و ریسرچ کو ں آندے اجلاس اچ ٹڈی دل دے حملے بارے اقدامات متعلقہ علاقیاں دے جائزہ،ٹڈی دل دے خاتمے سانگے سپرے اتے کیڑے مار دوائیں اتے ملک دے مختلف حصیاں اچ ٹڈی دل دے حملے خطریاں بارے ای سی سی کوں بریفنگ ڈیونڑ دی وی ہدایت کیتی۔ اقتصادی رابطہ کمیٹی ہدایت کیتی جو وزیراعظم دے مشیر برائے ادارہ جاتی اصلاحات تے کفایت شعاری ڈاکٹر عشرت حسین، سیکرٹری خزانہ اتے وزارت داخلہ دے نمائندہ دی ترائے رکنی کمیٹی ایں تجویز اتے خرچے حقیقت پسندانہ بنڑاونڑ دا جائزہ گھنے۔
وزیراعظم دے مشیر برائے خزانہ ڈاکٹر عبدالحفیظ شیخ دی صدارت اچ کابینہ دی اقتصادی رابطہ کمیٹی دا اجلاس
مضمون کا ماخذ : jogos de loteria Nordeste
متعلقہ مضامین
