احساس ایمر جنسی کیش ٹرانسفر تے ایڈوانس انکم ٹیکس اچ چھوٹ دی منظوری، اسلام آباد مرغزار چڑیا گھر دا کنڑول وزارت موسمیاتی تبدیلی کوں ڈے ڈتے،ای او بی آئی پنشن ودھارے دی سمری موخر
اسلام آباد ۔ 14 اپریل (اے پی پی)وفاقی کابینہ دا اجلاس وزیراعظم عمران خان دے زیر صدارت تھئے جیں کرونا دی وبا نال نبڑن اتے ودھ توں ودھ بچاو سانگے اقدامات یقینی بنڑاونڑ کیتے لاک ڈاون اچ 30اپریل تئیں توسیع کر ڈتی اے جیندی حتمی منظوری قومی رابطہ کمیٹی دے اجلاس اچ ڈتی ویسی۔کابینہ چھی نکاتی ایجنڈے تے غور کریندے ہوئے کئی اہم فیصلے کیتن جیندے اچ احساس ایمر جنسی کیش ٹرانسفر تے ایڈوانس انکم ٹیکس اچ چھوٹ ڈیونڑ دی منظوری سودھا اسلام آباد مرغزار چڑیا گھر دا کنڑول وزارت موسمیاتی تبدیلی کوں ڈیونڑ دی منظوری وی شامل اے جڈاں جو کابینہ ای او بی آئی پنشن ودھارے دی سمری موخر کر ڈتی اے۔اجلاس اچ مشیر خزانہ ڈاکٹر عبدالحفیظ شیخ ملک دی اجوکی اقتصادی صورتحال تے بریفنگ ڈتی۔معاون خصوصی برائے صحت ڈاکٹر ظفرمرز کروناوائرس کوں کھندنڑ کوں روکنڑ کیتے اقدامات دی اج تئیں دی پیش رفت دا جائزہ پیش کیتے اتے پورے ملک اچ کرونا نال متاثرہ مریضاں دے حوالے نال اعداوشمار ڈتن۔کابینہ کرونا توں بچاواتے احتیاط سانگے درآمدات تے برانڈ دی شرط ختم کرنڑ دی منظوری ڈتی۔سماجی تحفظ اتے غربت بارے معاون خصوصی ڈاکٹر ثانیہ نشتر اجلاس کوں احساس کیش ٹرانسفر پروگرام بریفنگ ڈتی۔ وزیراعظم عمران خان ہدایت کیتی جوکرونا نال نبڑن کیتے ودھ توں ودھ اقدامات یقینی بنڑائے ونجن،لاک ڈاون دے دوران غریباں، مستحقین اتے خاص کر ڈیہاڑی دار طبقے کوں سوکھ دٰونڑ کیتے اقدامات اچ کوئی کوتاہی نئیں تھیونڑی چاہیدی۔ انہاںا ٓکھیا جو کاروبار دے ودھارے، ضروری صنعتاں دے فروغ دے اقدامات تے وی توجہ ڈتی ونجے۔وفاقی کابینہ کرونا دے حوالے نال قومی رابطہ کمیٹی اتے ای سی دے فیصلیاں دی وی توثیق کر ڈتی اے۔
وزیراعظم عمران خان دے زیر صدارت وفاقی کابینہ دا اجلاس، لاک ڈاون اچ 30اپریل تئیں توسیع دی منظوری
مضمون کا ماخذ : منی ٹرین 2
متعلقہ مضامین
