اسلام آباد ۔ 20 دسمبر (اے پی پی) وزیراعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو باہرلے عناصر تے انہاں دے اندرلے آلہ کار ملک کوں عدم استحکام تے اداریں کوں کمزور کرنڑ دے مذموم عزائم اچ ناکام تھیسن ، وزیراعظم عمران خان دی ہم جہت قیادت اچ قوم ملک دے روشن مستقبل دے خلاف سازشاں کرنڑ آلے عناصر کوں شکست ڈیسی ۔ جمعے کوں اپنڑے ٹویٹ اچ ڈاکٹر فردوس عاشق اعوان آکھیے جو ملک دے سارے اداریں اچ ہم آہنگی تے سانجھا اعتماد وقت دی اہم ترین ضرورت اے۔اداریں دی مضبوطی ملکی ترقی، جمہوریت دا ودھارا عوامی فلاح کیتے ناگزیراے۔ انہاں آکھیا جو وزیراعظم عمران خان اتے عسکری قیادت رل تے احسن انداز نال ملک کوں پیش آندے چیلنجز توں کڈھیندے پن ۔ملک معاشی استحکام اتے ترقی دی منزل دے پاسے ٹردا پئے ۔
مضمون کا ماخذ : ٹربو چارج
