لاہور۔26 دسمبر(اے پی پی )ایں سال2019 داتریجھا اتے چھیکڑی سورج گرہن کوئی ویھ سال بعد خمیس 26دسمبرکوں تھیا ۔پاکستان دے ویلھے موجب سورج گرہن سویلے ست وج تے 34 منٹ تے شروع تھی تے 8وج تے 58 منٹ تے واضح ڈٹھا گیا جیڑھاسویلے 10وج تے 19منٹ تے مکیا۔ سجھ گرہن دادورانیہ 2گھنٹے 29 منٹ 24 سیکنڈ ریہا۔ اے سجھ گرہن پاکستان ، بھارت ،بنگلہ دیش سودھا ایشیائی ملکاں، شمالی مغربی آسٹریلیا،افریقہ اتے یورپ اچ ڈٹھا گئے۔سروج گرہن ویلھے اسلام آباد سودھا کئی شہراں اچ نماز کسوف پڑھی گئی جیندے اچ افتاں توں نجات،ملک و قوم دی خاشحالی و سلامتی کیتے دعائیں منگیاں گین۔ فیصل مسجد اسلام آباد اچ نماز کسوف فیصل مسجد دے امام ڈاکٹر قاری ضیا الرحمن پڑھائی۔
مضمون کا ماخذ : مردہ یا زندہ II
