اسلام آباد۔12جون (اے پی پی):وزیراعظم عمران خان اسلاموفوبیا دے ودھدے واقعات دے تناظر اچ ھک واری ول عالمی رہنماواں تے زور ݙتے جو سوشل میڈیا تے نفرت کھنڈاوݨ تے انتہاپسندی دے خلاف کریک ڈاؤن کیتا ونڄے ، نفرت کھنڈاوݨ آلی ویب سائٹس دے خلاف بین الاقوامی سطح تے کارروائی تھیوݨی چاہیدی اے، کجھ بین الاقوامی رہنما ??تے مغربی ملکاں دی قیادت ایں معاملے کوں نی سمجھدے پئے ،آزادی اظہار رائے دی حد اتھاں تئیں اے جتھاں تئیں ݙوجھے انسان ایندے توں مجروح نہ تھیون ۔ اے ڳالھ انہاں لندن انٹاریو اچ مسلماناں کوں نشانہ بݨاوݨ تے اسلاموفوبیا دے ودھدے واقعات دے حوالے نال کینیڈین براڈکاسٹنگ کارپوریشن (سی بی سی) کوں ھک انٹرویو ݙیندے ہوئیں آکھی اے جیڑھا جو اڄ اتوار کوں نشر کیتا ویسی ۔واضح رہے جو لندن انٹاریو حملے اچ کینیڈا اچ رہݨ آلے پاکستا??ی خاندان دے 4 بن??ے جاں بحق تھی ڳئے ہن جݙاں جو ھک نو سالہ ٻال زخمی تھیا ہئی ، جنونی حملہ آور انہں تے ٹرک چڑھا ݙتا ہئی ۔ کینیڈا دی پولیس آکھیے جو پاکستا??ی خاندان کوں ایں کیتے نشانہ بݨایا ڳے جو او مسلمان ہن۔ اے خاندان 2007 اچ پاکستان توں کینیڈا منتقل تھیا ہئی۔ وزیراعظم عمران خان واقعے دی ٹویٹر تے شدید مذمت کریندے ہوئیں اینکوں دہشت گردی قرار ݙتا تے تے مغربی ملکاں اچ سلاموفوبیا دے ودھدے واقعات تے تشویش دا اظہار کیتا۔ ”سی بی سی” کوں انٹرویو اچ وزیراعظم عمران خان آکھیے جو پاکستان اچ ایں واقعے دا ٻہوں اثر تھئے ۔جیں اچ پاکستا??ی خاندان کوں نشانہ بݨایا ڳیا ۔
سوشل میڈیا تے نفرت کھنڈاوݨ تے انتہاپسندی دے خلاف کریک ڈاؤن کیتا ونڄے، وزیراعظم عمران خان دا کینیڈین براڈکاسٹنگ کارپوریشن کوں انٹرویو
مضمون کا ماخذ : ٹربو چارج
متعلقہ مضامین
