اسلام آباد۔10اکتوبر(اے پی پی) وزریراعظم محمد شہبازشریف آک??یے پنج آئی پی پیز نال کیتے ونڄݨ آلے معاہدے انھاں دی باہمی رضا مندی نال ختم کرݙتے ڳئن ، انھاں آئی پی پیز قومی مفاد کوں ذاتی مفاد تے مقدم رکھیے، ایں توں 411 ارب روپے دی بچت تھیسی، معیشت دی بہتری سانڳے تکھے اقدامات چیندے پیوں ، ساݙی معیشت بتدریج استحکام دے پاسے ٹردی پئی اے ، ترسیلات زر اچ ریکارڈ ودھارا تھئے ۔ وفاقی کابینہ دے اجلاس اچ ڳالھ کریندے وزیراعظم آک??یے اللہ دا شکر ہاے ملکی معیشت استحکام دے رستے ٹردی پئی اے ۔گزریل ݙینھ ھک ٻئی خوشی دی خبر آئی جو ساݙی سہ ماہی ترسیلات زر 8ارب 80 کروڑ ڈالر توں ودھ ڳئن جیڑھیاں ماضی دیاں ساریاں سہ ماہی ترسیلات زردے مقابلے اچ ھک ریکارڈ اے۔ ایں سانڳے عظیم پاکستانی تارکین وطن دا شکریہ اداکریندن جیڑھے ݙینھ رات محنت کرتے آپݨے رزق حلال دی کمائی پاکستان بھیجیندن ۔اے ڳالھ دی غمازی کریندے جو پاکستان دی معیشت ہݨ اڳوں ودھدی پئی اے ایں حوالے نال حالی مزید سفر طے کرݨے جیں اچ ماضی وانڳوں چیلنجزوی آسن تاں جو اہم جیویں 7 مہینے اچ چیلنجز دا ھک ٹیم دے طورتے مقابلہ کیتے تے اللہ تعالیٰ ساݙی محنت اتے خلوص دا صلہ ݙتا، ایویں اڳوں وی مشترکہ کاوشاں نال انھاں چیلنجز تے قابو پیسوں ۔انہاں آک??یے پاکستان دے عام آدمی مہانگ ، مہانگی پالیسی شرح سود ،کھاوݨ پیوݨ دیاں چیزاں دی قیمت اچ ودھارے سودھے بے پناہ مشکلات داسامݨا کیتے، پاکستان دے عوام تحمل اتے صبر نال اے مشکلات کٹیاں، ہݨ وی ایویں کائنی جو اے مشکلات مکمل ختم تھی ڳئن تاں جو ہولے ہولے بہتری آندی پئی اے ، قوم جیڑھیاں قربانیاں ݙتن ایں تے اساں انھاں دے شکر گزار ہیسے۔وزیراعظم آک??یے انھالے دے موسم اچ 50 ا??ب روپے توں 200 یونٹ ماہانہ استعمال کرݨ آلے گھریلو صارفین کوں ریلیف ݙتا ??پن??اب حکومت وی ݙو مہینے بجلی دے بلز اچ 50 ا??ب روپے توں ودھ دا ریلیف ݙتے ، اے او اقدامات ہن جنہاں توں اے اشارہ ملدے جو وفاقی اتے صوبائی حکومتاں عوام کوں پیش آندے مسئلیں توں نہ صرف پوری طرح آگاہ ہن بلکہ انھاں کوں ریلیف ݙیوݨ سانڳے وی ضروری اقدامات چیندیاں پئن ۔ وزیراعظم آک??یے سیاسی پوائنٹ سکورنگ دے بغیر اے آک??ساں جو ماضی اچ ھک سنگدل حکمران آیا جیں اے آک??یا جو مہانگ نال ایندا کوئی سروکار کائنی تاں جو موجودہ حکومت عوام دی نمائندہ حکومت اے اتے اساکوں عوام کوں پیش آندے مسئلیں دا پتہ اے اساں رل تے انھاں مسئلیں دے حل سانڳے جیڑھا ممکن تھی سڳے او کریندے پیوں ، مہنگائی دی شرح 32فیصد توں گھٹ تے 6.7فیصد تئیں آڳئی اے ، ساݙی قوم نال اے کمٹمنٹ2026 تئیں ہئی لیکن اللہ تعالیٰ خصوصی فضل و کرم نال اے ممکن تھئے جو اڄ مہانگ سنگل ڈیجٹ تے آڳئی اے، اساں عارضی اقدامات دے نال لمبی مدت ریلیف اقدامات سانڳے وی کوشاں ہیسے ، بجلی چوری روکݨ ، لائن لاسز اچ کمی تے ملکی آئی پی پیز نال معاہدے وݙے چیلنج ہن،اے آئی پی پیز ٻہوں منافع کما چکن ?? او اپݨی سرمایہ کاری دی لاگت نہ صرف پوری کرچکن بلکہ وݙا منافع وی گھن چکن ، ایں سانڳے موجودہ حکومت 7 مہینے اچ بھرپور کوشش کیتی ، ساݙے قائد نواز شریف بجلی دیاں قیمتاں گھٹاوݨ سانڳے اساکوں ول ول ہدایات ݙیندے پئن ۔ وزیراعظم آک??یے توانائی دی پوری ٹیم تے ٹاسک فورس آپݨا بھرپور کردار نبھیندی پئی اے انہاں خلوص نال ݙینھ رات محنت کیتی ، کئی چیلنج وی آئے اے سوکھا کم نی ، قوم کوں او خوشخبری ݙیوݨ چاہندوں جو 5 آئی پی پیزباہمی رضامندی تے قومی مفاد کوں سامݨے رکھیندے اڄ دے بعد معاہدے مکمل ختم کرݙتن، انہاں کوں بقایاجات جیں اچ سود شامل کائنی دی ادائیگی کیتی ویسی ۔صارفین کوں 60 ارب روپے سالانہ دا ریلیف ملسی۔ بجلی دی قیمت گھٹ تھیسی ۔ آئی پی پیز دے مالکان رضاکارانہ طورتے ایں کوں قبول کیتے جیں تے انھاں دا شکریہ ادا کریندوں ، آئی پی پیز نال معاہدیں دے مکݨ نال 411 ارب روپے دی بچت تھیسی ۔ وزیراعظم آک??یے حکومت دے بہتر اقدامات دی معاونت اچ صدر مملکت آصف علی زرداری سودھے حلیف جماعتاں داوی شکریہ ادا کریندن۔ معاشی بہتری اچ کردار تے آرمی چیف دا خصوصی شکریہ ادا کرینداں انہاں آک??یے امریکااچ آئی ایم ایف دی سربراہ نال ملاقات دے دوران انہاں کوں ایں حساسیت دا ݙسایا ہئی جے بجلی دیاں قیمتاں خطے دے ٻئے ملکاں دے مقابلے اچ زیادہ ہوسن تاں اتھاں صنعت ?? زراعت ترقی نی کرسڳدی تے نہ ہی برآمدات ودھ سڳدن۔ انہاں آک??یے ساݙی ٹیم آئی ایم ایف کنے ویندی پئی اے ۔ وزیر خزانہ نال وزیر توانائی تے خصوصی مشیر وی ویسن تے آئی ایم ایف کوں سارا کیس سمجھیسن ۔ وزیر خزانہ کوں پہلے ہی آئی ایم ایف کلیدی سپیکر دے طورتے سݙ رکھئے جیڑھا اساں سانڳے اعزاز اے۔ وزیراعظم آک??یے وزیر خزانہ دی بے پناہ کوششاں اتے چین تے سعودی عرب دے تعاون نال آئی ایم ایف پروگرام تے معاہدہ تھئے۔ وزیراعظم آک??یے پنج آئی پی پیز نال معاہدے ختم کرݨ بارش دا پہلا قطرہ اے،آندے ݙینھاں مزید خوشخبریاں ملسن
